Kaspersky Endpoint Security БОЙЫНША ТҮПКІ ПАЙДАЛАНУШЫМЕН ЛИЦЕНЗИЯЛЫҚ КЕЛІСІМДЕР; ЖӘНЕ Өнімдер мен қызметтер БОЙЫНША ҚҰПИЯЛЫҚ САЯСАТЫ 
 
KASPERSKY ENDPOINT SECURITY ТҮПКІ ПАЙДАЛАНУШЫСЫНЫҢ ЛИЦЕНЗИЯЛЫҚ КЕЛІСІМІ («ЛИЦЕНЗИЯЛЫҚ КЕЛІСІМ»)
 
БАРЛЫҚ ПАЙДАЛАНУШЫҒА АРНАЛҒАН МАҢЫЗДЫ ҚҰҚЫҚТЫҚ ЕСКЕРТПЕ: БАҒДАРЛАМАЛЫҚ ҚҰРАЛДЫ ПАЙДАЛАНБАС БҰРЫН МЫНА ҚҰҚЫҚТЫҚ КЕЛІСІМДІ МҰҚИЯТ ОҚЫП ШЫҒЫҢЫЗ.
 
ЛИЦЕНЗИЯЛЫҚ КЕЛІСІМДІ ҚАМТИТЫН ТЕРЕЗЕДЕГІ ШАРТТАРДЫ ҚАБЫЛДАЙТЫНЫҢЫЗДЫ БІЛДІРЕТІН ТҮЙМЕНІ БАСУ НЕМЕСЕ ТИІСТІ ТАҢБАНЫ (-ЛАРДЫ) ЕНГІЗУ АРҚЫЛЫ ЗАҢДЫ ТҮРДЕ СІЗ БАҒДАРЛАМАЛЫҚ ҚҰРАЛ ЖҮКТЕЛГЕН НЕ САТЫП АЛЫНҒАН ҰЙЫМ РЕТІНДЕ СІЗ ҮШІН НЕМЕСЕ СІЗДІҢ АТЫҢЫЗДАН ОСЫ ЛИЦЕНЗИЯЛЫҚ КЕЛІСІМГЕ КЕЛУ МАҚСАТЫНДА ЖЕКЕ ТҰЛҒАҒА ОСЫ ЛИЦЕНЗИЯЛЫҚ КЕЛІСІМ ШАРТТАРЫН ҚАБЫЛДАУҒА РҰҚСАТ ЕТКЕНІҢІЗДІ РАСТАЙСЫЗ. БҰҒАН ҚОСА, ОСЫ ЛИЦЕНЗИЯЛЫҚ КЕЛІСІМНІҢ ШАРТТАРЫ МЕН ТАЛАПТАРЫНА КЕЛІСЕСІЗ. ОНДАЙ ӘРЕКЕТ СІЗДІҢ ҚОЛТАҢБАҢЫЗ РЕТІНДЕ ҚАРАСТЫРЫЛАДЫ ЖӘНЕ СІЗДІҢ ОСЫ ЛИЦЕНЗИЯЛЫҚ КЕЛІСІМ ШАРТТАРЫНА ӨЗ КЕЛІСІМІҢІЗДІ БЕРІП, ОНЫҢ БІР БӨЛІГІ БОЛЫП ТАБЫЛАСЫЗ ЖӘНЕ БҰЛ ЛИЦЕНЗИЯЛЫҚ КЕЛІСІМНІҢ СІЗ ҚОЛ ҚОЙҒАН КЕЗ КЕЛГЕН ЖАЗБАША КЕЛІСІМ СИЯҚТЫ КҮШІ БАР ЕКЕНІНЕ КЕЛІСЕСІЗ. ЕГЕР ОСЫ ЛИЦЕНЗИЯЛЫҚ КЕЛІСІМНІҢ ҚАНДАЙ ДА БІР ШАРТТАРЫ МЕН ТАЛАПТАРЫНА КЕЛІСПЕСЕҢІЗ, БАҒДАРЛАМАЛЫҚ ҚҰРАЛДЫ ОРНАТУДАН БАС ТАРТЫҢЫЗ ЖӘНЕ ОНЫ ОРНАТПАҢЫЗ.
 
ЕГЕР БАҒДАРЛАМАЛЫҚ ҚҰРАЛМЕН БІРГЕ ЛИЦЕНЗИЯЛЫҚ КЕЛІСІМШАРТ НЕМЕСЕ СОҒАН ҰҚСАС ҚАНДАЙ ДА БІР ҚҰЖАТ БОЛСА, ОНДАЙ ҚҰЖАТТАҒЫ БАҒДАРЛАМАЛЫҚ ҚҰРАЛДЫ ПАЙДАЛАНУ ШАРТТАРЫ АҒЫМДАҒЫ ТҮПКІ ПАЙДАЛАНУШЫНЫҢ ЛИЦЕНЗИЯЛЫҚ КЕЛІСІМІНЕН БАСЫМ БОЛАДЫ.
 
ЛИЦЕНЗИЯЛЫҚ КЕЛІСІМ ТЕРЕЗЕСІНДЕГІ ШАРТТАРДЫ ҚАБЫЛДАУ ТҮЙМЕСІН БАСҚАННАН КЕЙІН НЕМЕСЕ ТИІСТІ ТАҢБАНЫ (-ЛАРДЫ) ЕНГІЗГЕННЕН КЕЙІН, БАҒДАРЛАМАЛЫҚ ҚҰРАЛДЫ ОСЫ КЕЛІСІМ ШАРТТАРЫ МЕН ТАЛАПТАРЫНА СӘЙКЕС ПАЙДАЛАНУҒА ҚҰҚЫҒЫҢЫЗ БОЛАДЫ.
 
1. Анықтамалар
1.1. Бағдарламалық құрал кез келген бағдарламалық құралды, соның ішінде Жаңартулар мен қатысты материалдарды білдіреді.
1.2. Құқық иесі (Бағдарламалық құралға ерекше немесе басқа барлық құқықтардың иесі) Ресей Федерациясы заңдарына сәйкес тіркелген АО «Лаборатория Касперского» болып табылады.
1.3. Компьютер(лер) Бағдарламалық құрал орнатылатын және/немесе пайдаланылатын, Бағдарламалық құрал арнап жасалған жабдықт(ард)ың жиынтығын, соның ішінде дербес компьютерлерді, ноутбуктарды, жұмыс станцияларын, жеке сандық көмекші құралдарды, смартфондарды, қол құрылғыларын немесе басқа да электрондық құрылғыларды және операциялық жүйелерді (соның ішінде жүйелік виртуалды машиналарды) білдіреді.
1.4. Түпкі пайдаланушы (Сіз/Сіздің) – Бағдарламалық құралды жүктеп немесе сатып алған мекемені білдіреді және осы құжатта сондай мекеме осы келісімді қабылдайтын тұлғаға мекеменің атынан солай істеуге рұқсат бергені мәлімденеді. Осы келісім мақсаттарында «ұйым» термині серіктестікті, жауапкершілігі шектеулі компанияны, корпорацияны, қауымдастықты, акционерлік қоғамды, қорды, бірлескен кәсіпорынды, еңбек ұйымын, акционерлік емес ұйымды немесе мемлекеттік органды және т.б. білдіреді.
1.5. Серіктес(тер) – Құқық иесімен бірге келісім және лицензия негізінде Бағдарламалық құралды тарататын ұйымдар немесе жеке тұлға(лар) болып есептеледі.
1.6. Жаңарту(лар)ға барлық бір жетілдіру жұмыстары, шығарылымдар, пакеттер, кеңейтімдер, түзетпелер, өзгерістер, көшірмелер, қосылған функциялар немесе техникалық қызмет көрсету бумалары т.б. кіреді.
1.7. Пайдаланушы нұсқаулығы пайдаланушы нұсқаулығын, әкімші нұсқаулығын, анықтамалық кітапты және байланысты түсіндіру немесе басқа материалдарды білдіреді.
Пайдаланушы нұсқаулығының онлайн нұсқасын Құқық иесінің веб-сайтынан табуға болады: www.kaspersky.com және қажет болған жағдайда жаңартылуы мүмкін.
1.8. Іске қосу коды – бағдарламалық құралды іске қосу үшін қолдануға болатын бірегей таңбалар жиыны.
1.9. Кілт файлы – бағдарламалық құралды іске қосу үшін қолдануға болатын «.key» кеңейтімі бар файлды білдіреді.
1.10. Лицензиялық сертификат Кілт файлымен және Іске қосу кодымен, сондай-ақ лицензия туралы қосымша ақпаратпен бірге берілетін Түпкі пайдаланушыға берілетін құжатты білдіреді.
1.11. Веб-портал – Құқық иесі тарапынан көрсетілетін қызметтер, ол орнатылған Бағдарламалық құрал мен берілген лицензияларды басқару үшін қолданылады, сондай-ақ Бағдарламалық құралдан ақпарат алуға және/немесе алынған ақпаратты сақтауға және техникалық қолдау қызметіне хабарласуға қолданылады. Веб-ресурс ретінде «Компания есептік жазбасын», «Kaspersky Endpoint Security бұлтын» пайдалануға болады. Жоғарыда айтылған мақсатта басқа веб-ресурстар да қолданылуы мүмкін.
 
2. Лицензия беру
2.1. Пайдаланушы нұсқаулығында немесе Құқық иесінің техникалық қолдау көрсету веб-торабында сипатталған функция ауқымында Бағдарламалық құралды пайдалану бойынша айрықша емес лицензия беріледі және осы Пайдаланушы нұсқаулығында көрсетілген барлық техникалық талаптарды, сондай-ақ Лицензиялық келісімде көрсетілген шектеулерді және пайдалану шарттарын сақтауыңыз керек.
Сынақ нұсқа. Егер Сіз бағдарламалық құралдың сынақ нұсқасын алсаңыз, жүктеп алсаңыз және/немесе орнатсаңыз және Бағдарламалық құрал бағалау лицензиясы берілсе, басқаша көрсетілмеген жағдайда бастапқы орнату күнінен бастап Сіз бағдарламалық құралды тек бағалау мақсаттарына және тек бір рет қолданылатын бағалау кезеңінде пайдалана аласыз. Бағдарламалық құралды басқа мақсаттарға немесе тиісті бағалау кезеңінен тыс пайдалануға тыйым салынады.
Бірнеше ортаға арналған бағдарламалық құрал; бірнеше тілді бағдарламалық құрал; қос медиалы бағдарламалық құрал; бірнеше көшірме; бумалар. Егер Сіз Бағдарламалық құралдың басқа нұсқаларын немесе Бағдарламалық құралдың басқа тілдегі нұсқаларын пайдалансаңыз, Бағдарламалық құралды бірнеше тасушымен алсаңыз, Бағдарламалық құралдың бірнеше көшірмесін алсаңыз немесе басқа бағдарламалық құралмен бірге жинақталған Бағдарламалық құралды алсаңыз, Бағдарламалық құралдың барлық нұсқаларын орнатуға болатын Компьютерлеріңіздің саны Сіз алған лицензияларда көрсетілген Компьютерлердің санына сәйкес келуі керек және, лицензиялау шарттарында басқаша көзделмесе, әрбір алынған лицензия Сізге Бағдарламалық құралды 2.2 бөлімінде көрсетілген Компьютер(лер)дің санына ғана орнатып, пайдалануыңыз шарт.
2.2. Лицензиялық сертификатта қанша компьютер көрсетілсе, сонша компьютерді қорғау мақсатында Бағдарламалық құралды пайдалануға құқылысыз.
2.3. Бағдарламалық құрал көшірмесін тек резервтік көшірме ретінде жасауға болады және жоғалған, бұзылған немесе пайдалануға жарамсыз болған жағдайда, заңды түрде иеленген көшірмесін ауыстыруға құқылысыз. Бұл сақтық көшірме басқа мақсаттарға пайдаланылмайды және Бағдарламалық құралды пайдалану құқығын жоғалтқан кезде немесе лицензия мерзімі аяқталғанда немесе тұрғылықты еліңіздегі немесе Бағдарламалық құрал пайдаланылатын елдегі қолданылатын заңнамаға сәйкес басқа себеппен тоқтатылғанда бұзылуы қажет.
2.4. Бағдарламалық құрал іске қосылған уақыттан бастап немесе лицензиялық кілт файлы орнатылған уақыттан бастап (Бағдарламалық құралдың сынақ нұсқасы бұл жағдайға жатпайды) Лицензия сертификатында көрсетілген уақыт аралығында Құқық иесінен немесе оның Серіктестерінен мынадай қызметтер алуға құқылысыз:
- Құқық иесі өзінің веб-сайты немесе басқа да онлайн қызметтер арқылы бағдарламалық құралдың жаңа нұсқаларын жариялағанда, интернет арқылы жаңа нұсқасын алуға құқылысыз. Сіз алған қандай да бір Жаңарту Бағдарламалық құралдың бір бөлігі болып табылады және оған осы Келісімдегі шарттар мен талаптар қолданылады;
- Интернет арқылы немесе техникалық қолдау қызметінің байланыс телефоны арқылы техникалық қолдау алуға құқылысыз;
- Құқық иесі туралы ақпарат алуға және қосымша ресурстарына кіруге құқылысыз.
 
3. Белсендіру және шарт
3.1. Егер Компьютеріңіз өзгертілсе немесе басқа орнатылған жеткізуші бағдарламалық құралына өзгерістер жасалса, Құқық иесі Бағдарламалық құралды қайта іске қосуды немесе лицензиялық Кілт файлын орнатуды талап етуі мүмкін.
3.2. Сынақ нұсқасы Сізге Жаңартулар және Техникалық қолдау қызметінің шұғыл байланыс желісі арқылы Техникалық қолдау алуға құқық бермеуі шартымен Сіз осы Келісімге сәйкес Бағдарламалық құралды іске қосқан сәттен бастап бір реттік бағалау кезеңі (30 күн) бойынша 2.1 бөлімінде көрсетілгендей Бағдарламалық құралдың сынақ нұсқасын тегін пайдалануға құқылысыз. Егер Құқық иесі бір рет қолданылатын бағалау кезеңіне тағы уақыт қосатын болса, сізге ол туралы хабарланады.
3.3. Бағдарламалық құралды қолдану лицензиясының уақыты шектеулі, ол лицензия сертификатында көрсетіледі, ал қанша уақыт қалғанын Пайдаланушы нұсқаулығында көрсетілген тәсілдердің көмегімен көруге болады.
3.4. Бағдарламалық құралдың функционалдығы қолданылып жатқан лицензия түріне байланысты болады, оны лицензия сертификатынан көре аласыз. Бағдарламалық құрал функционалдығы Пайдаланушы нұсқаулығындағы сипаттамаға сай келеді.
3.5. Құқық иесі лицензияның жарамдылығын және/немесе Сіздің компьютеріңізде орнатылған және/немесе қолданылған бағдарламалық құрал көшірмесінің заңды екенін растау үшін кез келген шара қолданып, тексеру процедураларын жүргізуге құқылы. Тиісті лицензия болмаса немесе лицензия верификациясы белгілі уақыт ішінде жасалмаса, бағдарламалық құрал функциялары шектеулі болады.
3.6. Бағдарламалық құралды пайдалану барысында және осы Бағдарламалық құралды пайдалану нәтижесінде алынған қандай да бір есепті немесе ақпаратты пайдалану барысында Сіз қолданыстағы барлық халықаралық, ұлттық, мемлекеттік, аймақтық және жергілікті заңдар мен ережелердің талаптарына, сонымен қатар құпиялық, авторлық құқық, экспорттық бақылау және бейәдеп әрекеттерге қатысты жауапкершілік нормаларына және т.б. ережелерге бағынуыңыз керек.
3.7. Осы құжатта басқаша көрсетілмесе, осы Келісім бойынша Сізге берілген құқықтың немесе Сізге артылған міндеттемелердің ешқайсысын басқа біреуге тапсыра немесе тағайындай алмайсыз.
 
4. Техникалық қолдау
4.1. Осы Келісімнің 2.4 бөлімінде сипатталған Техникалық қолдау Сізге (Бағдарламалық құралдың сынақ нұсқасын ескермегенде) Техникалық қолдау ережелеріне сәйкес беріледі.
Техникалық қолдау көрсету қызметін және оның ережелерін мына сайттан таба аласыз: support.kaspersky.com.
 
5. Деректерді өңдеуге қатысты шарттар
5.1. Осы бөлімде қосымша анықтамалар беріледі:
Деректер субъектісі – Түпкі пайдаланушының өкілі болып табылатын және/немесе Бағдарламалық құралды тікелей немесе жанама пайдаланатын жеке тұлға, соның ішінде Түпкі пайдаланушының жұмысшысы, мердігері, қызметкері немесе Түпкі пайдаланушы қызметтері аясында дерек тасымалданатын және өңделетін (кейбір елдердің заңдарына сәйкес жеке деректер деп анықталатын деректерді қоса алғанда) клиенті. Сондай-ақ өз деректерін Түпкі пайдаланушыға беретін немесе тасымалдайтын жеке тұлға да Деректер субъектісі болуы мүмкін.
5.2. Бағдарламалық құралды іске қосу үшін Іске қосу коды пайдаланылса, Бағдарламалық құралдың қолданылуы заңды екенін растау үшін Түпкі пайдаланушы Құқық иесіне жүйелі түрде мынадай ақпаратты беріп отыруға келіседі: орнатылған Бағдарламалық құралдың түрі, нұсқасы және локализациясы, орнатылған жаңартулардың нұсқалары, Компьютердің идентификаторы және Бағдарламалық құралдың Компьютерге орнатылу идентификаторы, іске қосу коды және ағымдағы лицензияны іске қосудың бірегей идентификаторы, амалдық жүйенің түрі, нұсқасы және разрядтылығы, Бағдарламалық құрал виртуалды ортаға орнатылған болса виртуалды ортаның атауы, ақпарат берілгенде қосулы болған Бағдарламалық құрал компоненттерінің идентификаторлары.
Құқық иесі сондай ақпаратты Құқық иесі бағдарламалық құралының таратылуы және қолданылуы туралы статистикалық ақпаратты жинау үшін пайдалануы мүмкін.
Іске қосу кодын пайдалану арқылы Түпкі пайдаланушы осы Шартта көрсетілген деректерді автоматты түрде жіберіп отыруға келіседі. Түпкі пайдаланушы Құқық иесіне осы ақпаратты беруге келіспесе, Бағдарламалық құралды іске қосу үшін Кілт файлын пайдалану керек.
5.3. Құқық иесі Түпкі пайдаланушыдан алынған барлық деректерді Түпкі пайдаланушы нұсқауларына сәйкес өңдеуге міндеттенеді. Лицензиялық келісім, атап айтқанда «Деректерді өңдеуге қатысты шарттар» атты 5-бөлімнің ережелері, сонымен бірге Түпкі пайдаланушының Бағдарламалық құрал функциялары мен конфигурацияларын қолдануы деректерді өңдеуге қатысты Түпкі пайдаланушы Құқық иесіне берген толық нұсқаулар болып табылады (Түпкі пайдаланушы және Құқық иесі немесе оның Серіктестері арасында жазбаша келісімде басқаша көрсетілмесе).
5.4. Түпкі пайдаланушы өзіне Пайдаланушы нұсқаулығымен, әсіресе деректердің өңделуін сипаттайтын (www.kaspersky.com/Products-and-Services-Privacy-Policy) деректерді өңдеуге, Құқық иесінің Құпиялық саясатына қатысты нұсқаулықтармен танысу және олардың Түпкі пайдаланушы талаптарына сәйкес немесе сәйкес еместігін дербес анықтау үшін жеке өзі жауапты болады.
5.5. Түпкі пайдаланушы Бағдарламалық құралды пайдалануға қатысты заңдарды, соның ішінде құпия ақпаратқа, жеке деректерге, деректерді қорғауға қатысты заңдарды орындауы тиіс. Түпкі пайдаланушы Бағдарламалық құралдың деректерді Құқық иесінің қатысуынсыз өңдейтін компоненттерін пайдаланғанда деректерге қатысты құпиялық және қауіпсіздік шараларын қолдану және ұстану үшін жауапты болады. Түпкі пайдаланушы Бағдарламалық құралдың сондай компоненттерін пайдаланғанда деректердің қорғанысы мен құпиялылығын қамтамасыз ету үшін, тиісті техникалық және ұйымдастыру шараларын анықтауы тиіс.
5.6. Бағдарламалық құралды пайдаланғанда, әсіресе Түпкі пайдаланушы Бағдарламалық құралды Kaspersky Security Network желісін қолданатындай етіп реттегенде, Түпкі пайдаланушы Деректер субъектісінің жеке деректерінің өңделуі заңды болуын, атап айтқанда 2016/679 Ережесі (ЕО) (Жалпы деректерді қорғау ережесі «ЖДҚЕ») 6-бабының (1) (a) - (f) тармақтарының мағынасы аясында (Деректер субъектісі Еуропалық Одақта болса) немесе құпия ақпарат, жеке деректер, деректерді қорғау не соған ұқсас заңдар аясында болуын қамтамасыз ету үшін толық жауапты болады.
5.7. Егер Түпкі пайдаланушы Деректер субъектілерінің келісімі бойынша өңделу заңдылығын негіздегісі келсе, Түпкі пайдаланушы қолданылатын заңдардың талаптарына (әсіресе Деректер субъектісі ЖДҚЕ 6-бабы (1) (а) тармағы қолданылатын Еуропалық Одақта болса) сәйкес келетін келісім Бағдарламалық құралды пайдаланбай тұрып, Түпкі пайдаланушының әр Деректер субъектісінен алынғанын қамтамасыз етуі тиіс. Түпкі пайдаланушы әр Деректер субъектісінің келісімі жеке деректерді өңдемей тұрып алынғанына кепілдік береді.
5.8. Осы Лицензиялық келісімнің 5.7 тармағы бойынша Түпкі пайдаланушы жеке деректерді өңдеуге жарамды келісімнің (әсіресе Деректер субъектісі Еуропалық Одақта болса, ЖДҚЕ 7 (1) бабына сәйкес) бар екенін растау үшін жауапты болатынына Құқық иесі мен Түпкі пайдаланушы өзара келісті. Түпкі пайдаланушы кез келген уақытта Құқық иесінің сұрауы бойынша, Құқық иесі сұрау жасағаннан кейін 5 жұмыс күні ішінде әр Деректер субъектісінің келісімі бар екенін растай алатынына кепілдік береді.
5.9. Бұған қоса Лицензиялық келісімнің 5.7 тармағы бойынша Түпкі пайдаланушы Бағдарламалық құралды пайдаланбай тұрып, әр жеке Деректер субъектіне келісімді алу үшін тиісті заң бойынша, әсіресе ЖДҚЕ 13-бабында (Деректер субъектісі Еуропалық Одақта болса) талап етілетін барлық ақпаратты қамтамасыз етуге міндетті және сол үшін жеке өзі толық жауапты болады. Атап айтқанда Түпкі пайдаланушы Бағдарламалық құралды пайдаланбай тұрып, Еуропалық Одақтағы не тиісті заң талап еткен жердегі Деректер субъектісіне Құқық иесінің Құпиялық саясатын (www.kaspersky.com/Products-and-Services-Privacy-Policy) ұсынуға міндетті.
5.10. Түпкі пайдаланушы Құқық иесі алдында осы Лицензиялық келісімнің бұзылуы нәтижесіндегі кез келген зақымдар, атап айтқанда Түпкі пайдаланушының Деректер субъектісінің жарамды келісімін ала алмауы және/немесе жеткілікті дәрежеде жарамды болатын келісімді ала алмауы және/немесе Деректер субъектісінің келісімін дәлелдей алмауы және/немесе кешіктіріп дәлелдеуі және/немесе осы келісім бойынша міндеттеменің кез келген бұзылуы себебінен туындаған залалдар үшін жауапты болады.   
5.11. Түпкі пайдаланушы Құқық иесін үшінші тараптар, әсіресе бақылау деректерін қорғау органдары Құқық иесіне қарсы жасауы мүмкін үшінші тараптың Түпкі пайдаланушының «Деректерді өңдеуге қатысты шарттар» 5-бөліміндегі міндеттемелерін орындамауынан туындайтын шағымдарынан қорғауы тиіс.
5.12. Бағдарламалық құралдың жаңа нұсқасын жүктеп алу үшін Құқық иесінің жаңа нұсқаларға арналған серверін пайдаланатын болсаңыз, жаңарту процедурасының тиімділігін арттыру үшін соңғы пайдаланушы Құқық иесіне мынадай ақпаратты ұсынып отыруға келісім береді: орнатылған бағдарламалық құралдың түрі мен нұсқасы, жаңарту сеансының идентификаторы, қазіргі лицензияның бірегей идентификаторы және компьютердегі бағдарламалық құралдың бірегей идентификаторы.
Құқық иесі сондай ақпаратты Құқық иесі бағдарламалық құралының таратылуы және қолданылуы туралы статистикалық ақпаратты алу үшін пайдалануы мүмкін.
Бағдарламалық құралдардың жаңа нұсқаларын Құқық иесінің жаңа нұсқаларға арналған серверінен жүктеп алу арқылы Соңғы пайдаланушы осы бапта көрсетілген деректерді автоматты түрде жіберіп отыруға келісім береді. Соңғы пайдаланушы бұл ақпаратты Құқық иесіне ұсынуға келіспесе, Соңғы пайдаланушы бағдарламалық құралдың жаңа нұсқасын Пайдаланушы нұсқаулығында көрсетілген жергілікті ортақ қалтадан алуы керек.

6. Шектеулер
6.1. Бағдарламалық құралды үлгілеуге, клондауға, жалға беруге, беруге, сатуға, өзгертуге, қайта құрастыруға немесе қайта жобалауға болмайды немесе қолданбалы заңнама бойынша Сізге берілген бұлтартпас құқық ерекшелігімен Бағдарламалық құрал немесе кез келген бөлігі негізінде туынды жұмыстар жасауға немесе бөлшектеуге болмайды және Бағдарламалық құралдың кез келген бөлігін адам оқи алатын пішінге қысқартуға немесе лицензиялы Бағдарламалық құралды немесе лицензиялы Бағдарламалық құралдың қосымша жиынын тасымалдауға болмайды немесе үшінші тараптың орындауына рұқсат етілмейді, ағымдағы шектеу тиісті заңмен тыйым салынады. Меншік болып есептелетін бағдарлама алгоритмін қайта жасау үшін Бағдарламалық құралдың екілік кодын немесе бастапқы кодын пайдалануға немесе оның кері инжинирингін жасауға болмайды. Осы жерде анық берілмеген барлық құқықтар Құқық иесімен және/немесе жабдықтаушыларымен сақталады. Бағдарламалық құралды рұқсатсыз пайдалану осы Келісімнің және Лицензияның бірден және автоматты түрде тоқтауына, Сізге қатысты қылмыс істің және/немесе азаматтық тергеудің жүргізілуіне себеп болуы мүмкін.
6.2. Бағдарламалық құралды қолдану құқығын қандай да бір үшінші тарапқа тапсырмауыңыз керек.
6.3. Іске қосу кодын және/немесе Кілт файлын үшінші тараптарға беруге немесе үшінші тараптардың Іске қосу кодын және/немесе Кілт файлын ашуға рұқсат етуге болмайды, ол Құқық иесінің құпия дерегі болып есептеледі.
6.4. Бағдарламалық құралды үшінші тарапқа жалға беруге немесе қарызға беруге болмайды.
6.5. Пайдаланушы нұсқаулығында сипатталған зақымдарды анықтауға, құлыптауға немесе түзетуге пайдаланылатын деректерді немесе Бағдарламалық құралды жасауда Бағдарламалық құрал пайдаланылмауы керек.
6.6. Осы Келісімнің қандай да бір шарттары мен талаптарын бұзсаңыз, кілт файлының бұғатталуы мүмкін.
6.7. Егер Бағдарламалық құралдың сынақ нұсқасы пайдаланылса, осы Келісімнің 4-бөлімінде көрсетілген Техникалық қолдауды алу құқығыңыз болмайды және Бағдарламалық құралды пайдалану лицензиясын немесе құқықтарын үшінші тарапқа тапсыру құқығыңыз болмайды.
6.8. Бағдарламалық құралдың зияткерлік құқықтарын бұзу заңға сәйкес азаматтық, әкімшілік немесе қылмыстық жауапкершілікке тартылуға алып келеді.
 
7. Шектеулі кепілдік және бас тарту
7.1. Құқық иесі Бағдарламалық құралдың пайдаланушы нұсқаулығындағы сипаттамаларға сай жұмыс істейтініне кепілдік береді, алайда шектеулі кепілдік мына жағдайларға жүрмейді: (w) Компьютеріңіздегі ақаулықтарға және соған байланысты кез келген ақауға Құқық иесі кепілдік бойынша жауапкершіліктен үзілді-кесілді бас тартады; (x) дұрыс пайдаланбау, немқұрайлы қарау, оқыс оқиға, дұрыс орнатпау, дұрыс жұмыс істемеу немесе техникалық қызмет көрсетпеу, ұрлық, вандализм, табиғи апаттар, терроризм, электр қуатының сөнуі немесе кернеудің артуы, апаттық жағдайлар, Құқық иесінен басқа тараптың, қандай да бір үшінші тараптың немесе сіздің тарапыңыздан рұқсатсыз өзгеріс енгізу немесе жөндеу жұмыстарының немесе Құқық иесінің бақылауынсыз жасалған әрекеттердің нәтижесінде пайда болған ақаулықтар мен кемшіліктер; (y) ақаулық алғаш пайда болғанда Құқық иесіне хабарлар етілмеген кез келген ақаулық және (z) Сіздің компьютеріңізде орнатылған жабдықтың және/немесе бағдарламалық құралдың құрамдастарына байланысты туындаған үйлеспеушілік.
7.2. Бағдарламалық құрал ешбірі қатесіз болмайтынын растап, қабылдап келісесіз және өзіңізге ыңғайлы уақытта Компьютердегі деректердің резервтік көшірмесін жасап тұрғаныңыз жөн.
7.3. Құқық иесі Пайдаланушы нұсқаулығында немесе осы Келісімде сипатталған шарттарды бұзған жағдайда Бағдарламалық құралдың дұрыс жұмыс істейтініне кепілдік бермейді.
7.4. Құқық иесі осы Келісімнің 2.4 бөлімінде көрсетілген Жаңартуларды уақытылы жүктеп алмаған жағдайда Бағдарламалық құралдың дұрыс жұмыс істейтініне кепілдік бермейді.
7.5. Лицензиялық сертификатта көрсетілген мерзім аяқталғаннан кейін немесе қандай да бір себептермен Бағдарламалық құралды пайдалану лицензиясы тоқтатылғаннан кейін Құқық иесі Пайдаланушы нұсқаулығында сипатталған зиянкестерден қорғаныстың қамтамасыз етілетініне кепілдік бермейді.
7.6. Бағдарламалық құрал әдепкі күйде қолданылатын Құқық иесі стандартты параметрлерімен келетінін растайсыз және Бағдарламалық құралды жеке талаптарыңызға сәйкестендіру үшін реттеуге өзіңіз жауапты боласыз.
7.7. БАҒДАРЛАМА «СОЛ ҚАЛПЫНДА» БЕРІЛЕДІ ЖӘНЕ ҚҰҚЫҚ ИЕСІ ОНЫҢ ПАЙДАЛАНУЫНА НЕМЕСЕ ЖҰМЫС ІСТЕУІНЕ МӘЛІМДЕМЕ ЖАСАМАЙДЫ ЖӘНЕ КЕПІЛДІК БЕРМЕЙДІ. ҚОЛДАНЫЛАТЫН ЗАҢНАМА АРҚЫЛЫ ҚОСПАУҒА НЕМЕСЕ ШЕКТЕУГЕ БОЛМАЙТЫН КЕПІЛДІКТІ, ШАРТТЫ, МӘЛІМДЕМЕНІ НЕМЕСЕ ТАЛАПТЫ ҚОСПАҒАНДА, ҚҰҚЫҚ ИЕСІ ЖӘНЕ СЕРІКТЕСТЕРІ ҮШІНШІ ТАРАПТАР ҚҰҚЫҚТАРЫН БҰЗБАУ, КОММЕРЦИЯЛЫҚ САПА, ҚАНАҒАТТАНАРЛЫҚ САПА, БІРІГУ НЕМЕСЕ БЕЛГІЛІ БІР МАҚСАТҚА ҚОЛДАНУ ЖАРАМДЫЛЫҒЫМЕН ШЕКТЕЛМЕЙ КЕЗ КЕЛГЕН МӘСЕЛЕГЕ КЕПІЛДІК, ШАРТ, МӘЛІМДЕМЕ НЕМЕСЕ ТАЛАП (ТІКЕЛЕЙ НЕМЕСЕ ЖАНАМА, ЗАҢНАМАЛЫҚ АКТІ, ЖАЛПЫ ҚҰҚЫҚ, ӘДЕТ, ПАЙДАЛАНУ НЕМЕСЕ ӨЗГЕ БОЙЫНША) БЕРМЕЙДІ. БАРЛЫҚ АҚАУЛЫҚТАРҒА ЖӘНЕ ТОЛЫҚ ӨНІМДІЛІК ҚАУПІНЕ ЖӘНЕ АРНАЙЫ НӘТИЖЕЛЕРГЕ ЖЕТУ ҮШІН БАҒДАРЛАМАЛЫҚ ҚҰРАЛДЫ ТАҢДАУ ЖАУАПКЕРШІЛІГІНЕ ЖӘНЕ БАҒДАРЛАМАЛЫҚ ҚҰРАЛДАН АЛЫНҒАН НӘТИЖЕЛЕРГЕ ЖӘНЕ ОРНАТУҒА КЕЛІСЕСІЗ. ЖОҒАРЫДА АЙТЫЛҒАН БОЛЖАМДАРМЕН ШЕКТЕЛІП ҚАЛМАЙ ҚҰҚЫҚ ИЕСІ БАҒДАРЛАМАЛЫҚ ҚҰРАЛДЫҢ ҚАТЕСІЗ, КЕДЕРГІЛЕРСІЗ НЕМЕСЕ БАСҚА АҚАУЛЫҚТАРСЫЗ ЕКЕНДІГІНЕ НЕМЕСЕ БАҒДАРЛАМАЛЫҚ ҚҰРАЛ 	ҚҰҚЫҚ ИЕСІНЕ ЖАРИЯЛАНБАҒАН КЕЗ КЕЛГЕН НЕМЕСЕ БАРЛЫҚ ТАЛАПТАРҒА СӘЙКЕС БОЛАТЫНЫНА КЕПІЛДІК БЕРМЕЙДІ.
 
8. Microsoft Windows брандмауэрімен өзара әрекеттестік
8.1. Бағдарламалық құралды орнату кезінде қосылып тұрған Windows брандмауэрін өшіріп қоюға болатынын мойындайсыз. Windows брандмауэрінің параметрлері мен ережелері орнатылған Бағдарламалық құралға экспортталмайды.
 
9. Міндеттемеден босату және шектеу
9.1. Бағдарламалық құрал өнімділікке қажетті әрекеттерді орындайтынын растап келісесіз.
9.2. ҚОЛДАНЫСТАҒЫ ЗАҢДА РҰҚСАТ ЕТІЛЕТІН БАРЛЫҚ ЖАҒДАЙЛАРДА, ҚҰҚЫҚ ИЕСІ НЕМЕСЕ СЕРІКТЕСТЕР БАҒДАРЛАМАЛЫҚ ҚҰРАЛДЫ ПАЙДАЛАНУ НЕМЕСЕ ПАЙДАЛАНА АЛМАУ, БАҒДАРЛАМАЛЫҚ ҚҰРАЛ АРҚЫЛЫ ҚОЛДАУ НЕМЕСЕ БАСҚА ҚЫЗМЕТТЕРДІ, АҚПАРАТТЫ, БАҒДАРЛАМАЛЫҚ ҚҰРАЛДЫ ЖӘНЕ ҚАТЫСТЫ МАЗМҰНДЫ ҚАМТАМАСЫЗ ЕТУ НЕМЕСЕ ҚАМТАМАСЫЗ ЕТПЕУ НЕМЕСЕ ОСЫ КЕЛІСІМ ЖАҒДАЙЫМЕН БАЙЛАНЫСТЫ НЕМЕСЕ КЕЛІСІМШАРТТЫ НЕМЕСЕ МӘМІЛЕНІ БҰЗУ (ОНЫҢ ІШІНДЕ, ҰҚЫПСЫЗДЫҚ, ДҰРЫС КӨРСЕТПЕУ, ҚАТАҢ ТҮРДЕГІ ЖАУАПКЕРШІЛІК НЕМЕСЕ МІНДЕТТЕМЕ) НЕМЕСЕ МІНДЕТТЕМЕНІ БҰЗУ НЕМЕСЕ ҚҰҚЫҚ ИЕСІНІҢ НЕМЕСЕ СЕРІКТЕСТЕРІНІҢ КЕПІЛДІГІН БҰЗУ САЛДАРЫНАН ОРЫН АЛҒАН АРНАЙЫ, КЕЗДЕЙСОҚ, АЙЫПТЫҚ, ЖАНАМА НЕМЕСЕ ЖҮЙЕЛІ ЗАҚЫМДАРҒА (ОНЫҢ ІШІНДЕ, ТАБЫС, ҚҰПИЯ НЕМЕСЕ БАСҚА АҚПАРАТТЫ ЖОҒАЛТУ, БИЗНЕС КЕДЕРГІСІ, ҚҰПИЯЛЫҚТЫ ЖОҒАЛТУ, БҰЗЫЛЫС, ЗАҚЫМ ЖӘНЕ ДЕРЕКТЕР НЕМЕСЕ БАҒДАРЛАМАЛЫҚ ЖОҒАЛТУ, МІНДЕТТЕМЕНІ ҰСТАНБАУ АҚАУЛЫҒЫ, ЖАҚСЫ СЕНІМ НЕМЕСЕ СЕНІМДІ КҮТІМ МІНДЕТТЕМЕСІ, ҰҚЫПСЫЗДЫҚ, ЭКОНОМИКАЛЫҚ ШЫҒЫН ЖӘНЕ АҚШАЛАЙ НЕМЕСЕ БАСҚА ШЫҒЫНДАР) ЕШБІР ЖАҒДАЙДА ЖАУАПТЫ БОЛМАЙДЫ.
 
ҚҰҚЫҚ ИЕСІ ЖӘНЕ/НЕМЕСЕ СЕРІКТЕСТЕРІ МІНДЕТТІ БОЛҒАН ЖАҒДАЙДА ҚҰҚЫҚ ИЕСІ ЖӘНЕ/НЕМЕСЕ СЕРІКТЕСТЕРІНІҢ МІНДЕТТЕМЕСІ БАҒДАРЛАМАЛЫҚ ҚҰРАЛ ШЫҒЫНДАРЫМЕН ШЕКТЕЛЕТІНІНЕ КЕЛІСЕСІЗ. ҚҰҚЫҚ ИЕСІ ЖӘНЕ/НЕМЕСЕ СЕРІКТЕСТЕРІНІҢ МІНДЕТТЕМЕСІ ЕШБІР ЖАҒДАЙДА БАҒДАРЛАМАЛЫҚ ҚҰРАЛ ҮШІН ҚҰҚЫҚ ИЕСІНЕ НЕМЕСЕ СЕРІКТЕСКЕ ТӨЛЕНГЕН ТӨЛЕМНЕН АСПАУЫ КЕРЕК (ҚОЛДАНЫЛҒАН ЖАҒДАЙДА).
 
ОСЫ КЕЛІСІМДЕГІ ЕШБІР АҚПАРАТ ӨЛІМ ЖӘНЕ ЖЕКЕ ЖАРАҚАТ ЖАҒДАЙЫН ЕСЕПТЕН ШЫҒАРМАЙДЫ НЕМЕСЕ ШЕКТЕМЕЙДІ. ОСЫ КЕЛІСІМДЕГІ БАС ТАРТУ, ЕСЕПТЕН ШЫҒАРУ НЕМЕСЕ ШЕКТЕУ ЖАҒДАЙЫ ҚОЛДАНЫСТАҒЫ ЗАҢҒА СӘЙКЕС ЕСЕПТЕН ШЫҒАРЫЛУЫ НЕМЕСЕ ШЕКТЕЛУІ МҮМКІН ЕМЕС, ТЕК ОСЫ БАС ТАРТУ, ЕСЕПТЕН ШЫҒАРУ НЕМЕСЕ ШЕКТЕУ СІЗГЕ ҚОЛДАНЫЛМАЙДЫ ЖӘНЕ СІЗ БАРЛЫҚ ҚАЛҒАН БАС ТАРТУЛАРМЕН, ЕСЕПТЕН ШЫҒАРУЛАРМЕН ЖӘНЕ ШЕКТЕУЛЕРМЕН БАЙЛАНЫСТЫРЫЛАСЫЗ.
 
10. GNU және басқа да үшінші тарап лицензиялары
10.1. Бағдарламалық құралға GNU жалпы әлеуметтік лицензия (GPL) немесе басқа құқықтармен қоса пайдаланушының белгілі бір бағдарламаларды немесе бөліктерді көшіруге, өзгертуге және қайта таратуға және «Ашық бағдарламалық құрал» бастапқы кодына кіруге рұқсат беретін басқа ұқсас тегін бағдарламалық құрал лицензиялары бойынша лицензия (немесе қосымша лицензия) берілген кейбір бағдарламалық құралдар кіруі мүмкін. Егер мұндай лицензияларға екілік пішімде таратылатын бағдарламалық құрал талап етілсе, бастапқы көз коды осы пайдаланушыларға қолжетімді болса, бастапқы кодты source@kaspersky.com мекенжайына сұрау жіберу арқылы алдыруға болады немесе бастапқы код Бағдарламалық құралмен бірге беріледі. Егер Ашық бағдарламалық құрал лицензиялары Құқық иесіне осы Келісімде берілгеннен көп құқық беретін Ашық бағдарламалық құралды пайдалану, көшіру немесе өзгерту құқықтарын беруді талап етсе, ондай құқықтар осы құжаттағы құқықтар мен шектеулерге қарағанда басымдыққа ие болады.
 
11. Зияткерлік меншік иелігі
11.1. Бағдарламалық құрал және авторлық, жүйелер, идеялар, жұмыс әдістері, құжаттама және Бағдарламалық құралда қамтылған басқа ақпарат – интеллектуалды меншік және/немесе Құқық иесі немесе Серіктестерінің маңызды сауда құпиялары және Құқық иесі мен серіктестері азаматтық және қылмыс заңымен және Ресей Федерациясы, Еуропалық Одақ және Америка Құрама Штаттары, басқа елдер мен халықаралық ұйымдардың авторлық құқық, сауда құпиясы, сауда белгісі және патенттер заңымен қорғалады. Бұл Келісім Сізге интеллектуалды меншік құқықтарын бермейді, оның ішінде Құқық иесі және/немесе Серіктестерінің сауда белгілері немесе қызмет белгілері ("Сауда белгілері"). Сауда белгісі тәжірибесіне, оның ішінде Сауда белгісі иесінің аты идентификациясына сәйкес шығарылған, басылған шығысты анықтау үшін Сауда белгілерін ғана пайдалана аласыз. Кез келген Сауда белгісін осылай пайдалану сізге Сауда белгісіне ие болу құқығын бермейді. Құқық иесі және/немесе серіктестері Бағдарламалық құралдың барлық құқығын, атын және үлесін иелік етіп сақтайды, оның ішінде Құқық иесімен немесе үшінші тараппен жасалған қате түзетулері, кеңейтімдер, Бағдарламалық құралдың Жаңартулары немесе басқа өзгерістері және барлық авторлық құқықтар, патенттер, сауданың құпия құқықтары, сауда белгілері және басқа интеллектуалды меншік құқықтары. Бағдарламалық құралды сақтау, орнату немесе пайдалану Бағдарламалық құралдағы интеллектуалды меншікке атты тасымалдамайды және осы Келісімде орнатылғанды ескермегенде Бағдарламалық құрал құқықтарын алмайсыз. Осында жасалған Бағдарламалық құралдың барлық көшірмелерінде Бағдарламалық құралда пайда болатын меншіктік ескертпелер болуы қажет. Осы жердегі мәлімденгенді ескермегенде осы Келісім Бағдарламалық құралдағы интеллектуалды меншік құқықтарын бермейді және осы Келісім бойынша берілген Лицензия осы Келісімнің шарттары мен талаптары бойынша шектеулі пайдалану құқығын ғана беретінін растайсыз. Құқық иесі осы Келісімде берілген сізге берілмеген құқыққа ие.
11.2. Бағдарламалық құралды ешбір жолмен өзгертпеуге немесе ауыстырмауға келісесіз. Бағдарламалық құрал көшірмелерінде авторлық құқық ескертпелерін немесе басқа меншіктік ескертпелерді жоя немесе өзгерте алмайсыз.
 
12. Негізгі заңнама; Мәселелерді шешу тәртібі
12.1. Бұл келісім Ресей Федерациясының заң ережелері мен қағидаларына қайшы келмейтіндей заң негізінде қарастырылып, жасалады. Бұл Келісім Халықаралық тауар сату келісімшарттарының БҰҰ конвенциясымен басқарылмауы керек, қолданысына тыйым салынады. Тікелей келіссөздер арқылы шешілмесе, осы Келісімнің шарттарын түсіндіру немесе қолдануға қатысты туындаған қандай да бір дау-дамай немесе оның шарттарының бұзылуы Ресей Федерациясы, Мәскеу қаласындағы Өнеркәсіп және сауда жөніндегі Ресей Федерациясының палатасындағы Халықаралық коммерциялық арбитраждық сотта шешілуі керек. Шешім шығарушының кез келген шешімі кесімді шешім болып табылады және тараптардың барлығына міндетті болып табылады және мұндай арбитраждық шешім бойынша шығарылған сот шешімі кез келген юрисдикция сотында қолданылады. 12-бөлімдегі ешбір қағида тараптардың юрисдикция сотынан арбитраждық процедуралардан бұрын, арбитраждық процедуралар кезінде немесе одан кейін әділ көмек сұрауына кедергі бола алмайды.
 
13. Талап ету мерзімі
13.1. Осы Келісім бойынша транзакциялардан туатын әрекетсіздік пішінге қарамастан әрекет орын алғаннан кейін немесе ашылғаннан кейін бір (1) жылдан аса уақыттан кейін болуы мүмкін, зияткерлік меншік құқықтарын бұзу әрекеті максималды рұқсат етілетін міндетті кезең ауқымында болуы мүмкін.
 
14. Толық келісі; Бөлінуі; Бас тартусыз
14.1. Бұл Келісім сіз бен Құқық иесі арасындағы толық келісім болып табылады және Бағдарламалық құралға немесе осы Келісім мәселесіне қатысты басқа бұрынғы жазбаша немесе ауызша келісімдер, ұсыныстар, байланыстар немесе жарнама алдында басымдыққа ие. Осы Келісімді оқығаныңызды, түсінгеніңізді растап, шарттарын ұстануға келісесіз. Егер осы Келісімнің кез келген жағдайы құзыретті сотпен жарамсыз, заңсыз немесе белгілі бір себеппен толығымен немесе жартылай күшінде емес болса, осындай жағдай заңды және күшіне ендіру үшін қайта құрастырылады және толық Келісім есепке алынбайды және Келісім балансы толық күшінде болып, бастапқы мерзіміне дейін сақтау кезінде заңмен немесе капиталмен рұқсат етілетін мерзімге дейін жарамды болады. Сіз бен Құқық иесінің өкілетті өкілімен жазбаша жазылып, қол қойылмайынша ешбір жағдайдан немесе талаптан бас тартуға болмайды және осы Келісімнің белгілі бір жағдайын бұзу мерзімінен бұрынғы, жүйелі немесе бір уақыттағы бұзылыс болып есептеледі. Құқық иесінің осы Келісім жағдайын немесе құқығын ұстанбауы немесе қатаң түрде орындамауы осындай жағдайдан немесе құқықтан бас тарту болып есептелмейді.
 
15. Құқық иесінің байланыс ақпараты
Осы Келісімге қатысты сұрақтарыңыз болса немесе Құқық иесімен белгілі бір себеппен хабарласқыңыз келсе, біздің Тұтынушыға қызмет көрсету бөліміне хабарласыңыз:
 
AO Kaspersky Lab, Bldg. 3, 39A, Leningradskoe Shosse
Moscow, 125212
Russian Federation
E-mail: info@kaspersky.com
Web site: www.kaspersky.com
 
© 2018 АО «Лаборатория Касперского». Барлық құқықтары қорғалған. Бағдарламалық құрал және ілеспелі құжаттама авторлық құқықпен қорғалады және авторлық құқық заңдарымен, халықаралық авторлық құқық келісімдерімен және басқа интеллектуалды меншік заңдарымен және келісімдерімен қорғалады.


KASPERSKY LAB – ӨНІМДЕР МЕН ҚЫЗМЕТТЕРГЕ ҚАТЫСТЫ ҚҰПИЯЛЫҚ САЯСАТЫ
Кіріспе
Bldg. 3, 39A, Leningradskoe Shosse, Moscow, 125212, Russian Federation мекенжайы бойынша орналасқан "Лаборатория Касперского" АҚ және "Kaspersky Lab" тобына кіретін барлық компаниялар Сіздің құпия ақпаратыңызды құрметтейді. Деректерді қорғау жөніндегі ЕО-дағы өкіліміз: 2016/679 (Деректерді қорғау жөніндегі жалпы ереже, «ДҚЖЕ») санды ережесінің (ЕО) 27 (1) бабына сәйкес Kaspersky Labs GmbH, Despag-Strasse 3, 85055, Ingolstadt, Germany, info@kaspersky.de, +49 (0) 841 98 18 90. ДҚЖЕ 37 (1) бабына сәйкес ЕО-дағы деректерді қорғау жөніндегі қызметкерімізге басқа елдерден де dpo@kaspersky.com мекенжайы бойынша хабарласуыңызға болады.
Осы Өнімдер мен Қызметтерге қатысты құпиялық саясаты (Құпиялық саясаты) Сіз өнімдеріміз бен қызметтерімізді пайдаланғанда ұсынатын ақпаратты біз қалай қолданатынымызды және ақпаратты қолдануымызға қатысты жасай алатын таңдауларыңызды сипаттайды. Сондай-ақ ақпаратты қорғау үшін қолданатын шараларымызды және құпиялық тәжірибелеріңіз бойынша бізге қалай байланыса алатыныңызды түсіндіреміз.
Kaspersky Lab компаниясы ұсынатын арнайы өнімдер мен қызметтерге байланысты осы саясатқа қосымша деректердің өңделуіне қатысты келісімдер, пайдалану шарттары мен мәлімдемелер беріледі.
Саясат заңның өзгеруіне, құзыретті органдардың талаптарына немесе жеке деректерді өңдеуге қатысты тәжірибелеріміздегі өзгертулерге байланысты өзгеруі мүмкін. Қайта қаралған саясат біздің веб-сайтта жарияланады да, сол сәттен бастап дереу күшіне енеді. Қазіргі қолданыстағы саясатты біздің веб-сайттан кез келген уақытта оқуға болады: https://www.kaspersky.com/products-and-services-privacy-policy.
Саясаттың осы нұсқасы 2020 жылдың 10 маусымынан бастап күшіне енеді.
Ақпарат көздері
Kaspersky Lab компаниясы cіз туралы ақпаратты түрлі көздерден алуы мүмкін, атап айтқанда:
• өнімдер мен қызметтер;
• cіздің Kaspersky Lab өнімдері мен қызметтеріне жазылымыңыз арқылы;
• техникалық қолдау көрсету сұрауына жауап ретінде немесе өнімдер мен қызметтердің қажетті қызметін қамтамасыз ету үшін басқа байланыс жолымен; 
• веб-сайттарымыздан;
• маркетингілік немесе басқа байланысуларға жауаптан;
• ұсынысқа, бағдарламаға немесе науқанға қатысу арқылы.
Егер бізге басқа тұлғаға қатысты кез келген ақпарат не материал берсеңіз, осы ақпаратпен бөлісу және сізге сипатталғандай оны болашақта ара-тұра біздің пайдалануымыз қолданыстағы заңға сәйкес болуын қамтамасыз етуіңіз керек; яғни, мысалы, заң талап етсе сол тұлғаға оның жеке деректерінің өңделуі туралы хабардар етіп, келісімін алуыңыз керек.
Сондай-ақ үшінші тараптардың ақпаратты (сондай үшінші тараптар алған) бізге жариялауына келісуіңіз мүмкін.
Пайдаланушылар берген ақпарат және біз ақпаратты қалай пайдаланамыз
Kaspersky Lab компаниясы тарапынан жеке деректердің өңделуі әрдайым заңды және әділ іске асырылады.
Өнімдер мен қызметтерді пайдалануды бастамай тұрып Kaspersky Lab компаниясына қандай ақпарат түрін беретініңізді әрдайым біліп отырасыз. Сіз беретін деректер өзіңіз пайдаланатын қызметтерге, өнімдерге және мүмкіндіктерге байланысты болады. Сіз беретін ақпарат туралы қосымша ақпарат алу үшін, Түпкі пайдаланушының лицензиялық келісімін, Kaspersky Security Network мәлімдемесін және өзіңіз пайдаланатын өнімдер мен қызметтердің басқа да құжаттарын қараңыз, әсіресе:

ҮЙДЕГІ ПАЙДАЛАНУШЫЛАР ҮШІН (B2C):
• СПЛК-НЫҢ "Ә" БӨЛІМІ, ОНДА КЕЛІСІМШАРТ БОЙЫНША МІНДЕТТЕМЕЛЕРДІ ОРЫНДАУ ҮШІН ӨҢДЕЛУІ КЕРЕК ДЕРЕКТЕР СИПАТТАЛҒАН;
• KASPERSKY SECURITY NETWORK МӘЛІМДЕМЕСІ, ОНДА АҚПАРАТ ҚАУІПСІЗДІГІНЕ ҚАТЕР ТӨНГЕН ЖАҒДАЙДА ӨҢДЕЛУІ ӨНІМДЕР МЕН ҚЫЗМЕТТЕРДІҢ РЕАКЦИЯСЫН ЖЫЛДАМДАТАТЫН ДЕРЕКТЕР СИПАТТАЛҒАН;
• МАРКЕТИНГТІК МӘЛІМДЕМЕ, ОНДА ӨҢДЕЛУІ ӨНІМДЕРДІҢ ЖҰМЫСЫН ЖАҚСАРТАТЫН ЖӘНЕ ӨНІМГЕ ҚАТЫСТЫ ПАЙДАЛАНУШЫ ҚАНАҒАТТАНУШЫЛЫҒЫН БАҒАЛАУҒА МҮМКІНДІК БЕРЕТІН ДЕРЕКТЕР СИПАТТАЛҒАН;
• ПАЙДАЛАНУ КЕЗІНДЕ ӨҢДЕЛЕТІН ДЕРЕКТЕРДІ СИПАТТАЙТЫН НАҚТЫ БІР ӨНІМ МҮМКІНДІКТЕРІНЕ ҚАТЫСТЫ БӨЛЕК МӘЛІМДЕМЕЛЕР, АНТИСПАМ МӘЛІМДЕМЕСІ, САТЫП АЛУ ТУРАЛЫ МӘЛІМДЕМЕ, ВЕБ-ҚОРҒАУ МӘЛІМДЕМЕСІ ЖӘНЕ ТЕХНИКАЛЫҚ ҚОЛДАУ ЖӨНІНДЕГІ МӘЛІМДЕМЕ. ӨНІМНІҢ МҮМКІНДІКТЕРІН ҚОСҚАНДА, ОСЫНДАЙ МӘЛІМДЕМЕЛЕРМЕН ТАНЫСУЫҢЫЗҒА БОЛАДЫ.
БИЗНЕСТІК ПАЙДАЛАНУШЫЛАР (B2B):
• СПЛК-НЫҢ "ДЕРЕКТЕРДІ ӨҢДЕУГЕ ҚАТЫСТЫ ЖАҒДАЙЛАР" БӨЛІМІ, ОНДА КЕЛІСІМШАРТ БОЙЫНША МІНДЕТТЕМЕЛЕРДІ ОРЫНДАУ ҮШІН ӨҢДЕЛУІ КЕРЕК ДЕРЕКТЕР СИПАТТАЛҒАН;
• KASPERSKY SECURITY NETWORK МӘЛІМДЕМЕСІ, ОНДА АҚПАРАТ ҚАУІПСІЗДІГІНЕ ҚАТЕР ТӨНГЕН ЖАҒДАЙДА ӨҢДЕЛУІ ӨНІМДЕР МЕН ҚЫЗМЕТТЕРДІҢ РЕАКЦИЯСЫН ЖЫЛДАМДАТАТЫН ДЕРЕКТЕР СИПАТТАЛҒАН. КЕЙБІР ӨНІМДЕРДЕ АТ ӘКІМШІСІ НЕМЕСЕ ӨНІМДІ ОРНАТУҒА ЖАУАПТЫ БАСҚА ҚЫЗМЕТКЕР ӨҢДЕЛЕТІН ДЕРЕКТЕРДІҢ КӨЛЕМІН ТАҢДАЙ АЛАДЫ.
• ПАЙДАЛАНУ КЕЗІНДЕ ӨҢДЕЛЕТІН ДЕРЕКТЕРДІ СИПАТТАЙТЫН НАҚТЫ БІР ӨНІМ МҮМКІНДІКТЕРІНЕ ҚАТЫСТЫ БӨЛЕК МӘЛІМДЕМЕЛЕР, МЫСАЛЫ, МАРКЕТИНГТІК МӘЛІМДЕМЕ, АНТИСПАМ МӘЛІМДЕМЕСІ, ҚОСЫМША МӘЛІМДЕМЕ ЖӘНЕ KASPERSKY MANAGED PROTECTION ҚЫЗМЕТІНЕ АРНАЛҒАН ДЕРЕКТЕРДІ ӨҢДЕУГЕ ҚАТЫСТЫ МӘЛІМДЕМЕ, ВЕБ-ҚОРҒАУ МӘЛІМДЕМЕСІ ЖӘНЕ ТЕХНИКАЛЫҚ ҚОЛДАУ ЖӨНІНДЕГІ МӘЛІМДЕМЕ. ӨНІМНІҢ МҮМКІНДІКТЕРІН ҚОСҚАНДА, ОСЫНДАЙ МӘЛІМДЕМЕЛЕРМЕН ТАНЫСУЫҢЫЗҒА БОЛАДЫ.

Өңдеу үшін алынған деректер өнімге немесе қызметке байланысты болады және пайдаланушыларға бағдарламалық құралды не қызметті орнату немесе пайдалану кезінде келіскен келісімдер мен қатысты мәлімдемелерді мұқият оқып шығуға кеңес беріледі.
Кейбір елдердің заңдарына сәйкес кейбір деректер жеке болмайды. Дерек түріне және дерек алынған немесе өңделген аумаққа қарамастан, біз ең жоғарғы деректерді қорғау стандарттарын пайдаланамыз және пайдаланушының деректерін қорғау, қауіпсіздігі мен құпиялығына кепілдік беру, сондай-ақ тиісті заң бойынша кепілдендірілген пайдаланушы құқықтарының сақталуын қамтамасыз ету үшін түрлі заңдық, ұйымдастырушылық және техникалық шаралар қолданамыз.

Деректер Сіз пайдаланатын өнімдер мен қызметтерге байланысты және мыналарды қамтуы мүмкін:

• Лицензия/жазылым туралы ақпарат
Құқығы бар пайдаланушыларды анықтау үшін өңделеді. Бұл деректер өнім мен Kaspersky Lab қызметтері арасында байланыс жасау — өнім дерекқорын жіберу және алу, жаңартулар, т.б. үшін қажет.

• Өнім туралы ақпарат
Өнімнің жұмысы және пайдаланушымен әрекеттесуі бойынша деректер де өңделеді. Мысалы, қатерді тексеру қанша уақыт алады? Басқалармен салыстырғанда қай мүмкіндіктер жиірек қолданылады? Осы және басқа сұрақтарға берілетін жауаптар әзірлеушілерге өнімдерді жақсартуға және оларды жылдам әрі қолайлы етуге көмектеседі.

• Құрылғы туралы деректер
Құрылғының түрі, жұмыс жүйесі, т.б. сияқты деректер амалдық жүйені қайта орнатқаннан кейін пайдаланушы қауіпсіздік бағдарламасы үшін жаңа лицензияны сатып алмауы үшін қажет болуы мүмкін. Сондай-ақ бұл ақпарат кибер қатерлерді талдауға көмектеседі, себебі ол белгілі қатердің қанша құрылғыға әсер еткенін көрсетеді.

• Анықталған қатерлер
Құрылғыда (белгілі не белгісіз) қатер табылса, ол туралы ақпарат Kaspersky Lab компаниясына жіберіледі. Бұл қатерлерді, олардың көздерін, инфекциялау жолдарын, т.б. талдауға көмектесіп, нәтижесінде пайдаланушыларды жақсырақ көмектесуге септігін тигізеді.

• Орнатылған қолданбалар туралы ақпарат
Бұл ақпарат "ақ" немесе зиянсыз қолданбалар тізімін жасауға көмектесіп, қауіпсіздік бағдарламаларының сондай қолданбаларды зиянды деп тануына жол бермейді. Сондай-ақ бұл деректер Ата-ана бақылауы және Қолданбаның іске қосылуын бақылау сияқты мүмкіндіктер үшін бағдарлама санаттарын жаңарту және кеңейту үшін пайдаланылады. Бұған қоса бұл ақпарат пайдаланушыларға олардың қажеттіліктерін барынша қанағаттандыратын қауіпсіздік шешімдерін ұсынуға көмектеседі.

• Кірген URL мекенжайлары
URL мекенжайлары зиянды не зиянсыз екенін тексеру үшін жіберілуі мүмкін. Бұл ақпарат "ақ" немесе зиянсыз веб-сайттар тізімін жасауға көмектесіп, қауіпсіздік бағдарламаларының сондай веб-сайттарды зиянды деп тануына жол бермейді. Бұл деректер Kaspersky Safe Kids сияқты шешімдер үшін веб-сайт санаттарын жаңарту және кеңейту және Kaspersky Fraud Prevention сияқты өнімдерде қаржы операцияларын жақсырақ қорғау үшін пайдаланылады. Бұған қоса бұл ақпарат пайдаланушыларға олардың қажеттіліктерін барынша қанағаттандыратын қауіпсіздік шешімдерін ұсынуға көмектеседі. Пайдаланушының бастапқы браузер сұрауында есептік жазбалар мен құпиясөздер туралы ақпарат болса, ол қаралған URL мекенжайларынан, тіпті хост аты мен IP мекенжайына дейін жойылады. Кез келген жағдайда пайдаланушының есептік жазбалары мен құпиясөздерін өңдеу Kaspersky Lab компаниясының мақсатына кірмейді және Kaspersky Lab компаниясы осы деректерді өңдемеу үшін барлық ақылға қонымды және тиісті шараларды қолданады.

• Амалдық жүйе оқиғалары
Жаңа зиянкес бағдарламаларды көбіне тек олардың күдікті әрекеті арқылы анықтау мүмкін болады. Сол себепті өнім құрылғыда іске қосулы процестердегі деректерді талдайды. Бұл зиянды әрекеттерге нұсқау жасайтын процестерді ерте анықтауға және пайдаланушы деректерін жою сияқты зиянды салдарды болдырмауға мүмкін береді.

• Күдікті файлдар және қаскүнемдер пайдалануы мүмкін файлдар
Егер құрылғыда күдікті әрекеті байқалған (әлі) белгісіз файл анықталса, ол автоматты түрде машиналық оқуға негізделген технологиялар және сирек жағдайда зиянкес бағдарлама аналитигі тарапынан қосымша талдауға жіберілуі мүмкін. "Күдікті" санатына негізінен орындалатын файлдар (.exe) кіреді. Жалған оң нәтижелердің ықтималдығын азайту мақсатында орындалатын және орындалмайтын "ақ файлдар" немесе олардың бөліктері жіберілуі мүмкін.

• Wi-Fi байланыс деректері
Бұл ақпарат пайдаланушыларға қауіпсіз емес (яғни нашар қорғалған) Wi-Fi қосылу нүктелері туралы ескерту жасау үшін талданып, жеке деректердің кездейсоқ ұсталып қалуына жол бермейді.

• Пайдаланушының байланыс деректері
Электрондық пошта мекенжайлары Kaspersky Lab веб порталдарында (My Kaspersky, Kaspersky CompanyAccount, Kaspersky Endpoint Security Cloud, т.б.) авторизация үшін қолданылады, бұл пайдаланушыларға қорғанысын қашықтан басқаруға мүмкіндік береді. Электрондық пошта мекенжайлары Kaspersky Lab өнімдерінің пайдаланушыларына қауіпсіздік хабарларын (мысалы, маңызды ескертулері бар) жіберу үшін қолданылады. Сондай-ақ пайдаланушылар My Kaspersky порталында және эл. пошталарында аталатын аттарын (немесе лақап аттарын) көрсете алады. Байланыс мәліметтерін пайдаланушылары өз ұйғарымы бойынша береді.

• Дамп және трассирлеу файлы
Өнім параметрлерінде арнайы ұяшыққа құсбелгі қойып, пайдаланушылар сондай-ақ қате есептерін Kaspersky Lab серверіне жібере алады. Бұл ақпарат (1) өнімде орын алған қателерді талдауға және болашақта тиімдірек қызмет етуі үшін сәйкесінше түрлендіруге және (2) пайдаланушының жүйесіне төнетін қатерлерді жұмсарту үшін пайдаланушының компьютеріне инфекция жұғуын тергеуге көмектеседі.

• Электрондық хаттар
Антиспам функциясын пайдаланған кезіңізде, Kaspersky Lab электрондық хаттарды сканерлеп, сізді спам мен алаяқтықтан қорғау үшін олар туралы ақпаратты пайдаланады. Сіз Kaspersky компаниясына бір электрондық хаттың спам екенін немесе бағдарламалық құрал оны қателесіп спам деп анықтағанын көрсеткен кезде, сіз біздің оны талдауымызға көмектесіп, пайдаланушыларға жоғарырақ қорғау сапасын ұсынуымызға мүмкіндік бересіз.

• Ұрланған құрылғы туралы деректер
Ұрлыққа қарсы мүмкіндік ұрланған жағдайда мобильді телефоныңыздағы деректерді қорғауға бағытталған белгілі қашықтан кіру және бақылау функцияларын ұсынады, сондай-ақ ұрланған құрылғының орны туралы ақпарат алуға мүмкіндік береді. Ұрлыққа қарсы мүмкіндік бұл функциялар жұмыс істеуі үшін телефоныңыз және мақұлданған пайдаланушылар туралы деректерді сақтауы тиіс.

• Баланы қорғау мүмкіндігіне арналған деректер
Ата-ана немесе сондай жауапкершілігі бар тұлға Kaspersky Safe Kids сияқты баланы қорғау мүмкіндігін пайдаланғысы келсе, ол баланың құрылғысы және баланың орны туралы ақпаратты ала алады. Бұған қоса ата-ана немесе сондай жауапкершілігі бар тұлға арнайы веб-сайттарды құлыптау немесе оларға рұқсат беру және/немесе белгілі қолданбалардың бала құрылғысына жұмыс істеуге рұқсат беру не тыйым салу үшін параметрлерді реттей алады. Kaspersky Lab балалар дерегін осындай мүмкіндік шегінен тыс жинамайды.

• Мобильді құрылғының бірегей идентификаторы
Бұл құрылғының идентификаторы құрылғының Жарнама идентификаторының көмегімен Android 8 немесе одан кейінгі нұсқасы орнатылған пайдаланушы құрылғысында жасалады. Біз Жарнамалау идентификаторын ашық мәтінде өңдемейміз; біз оны тек хэш-сомасында өңдейміз. Пайдаланушы Жарнамалау идентификаторының мәнін қалпына келтірген жағдайда, мобильді құрылғының бірегей идентификаторының жаңа мәні ескі мәнмен біріктіріледі, бұл құрылғыны қызметтермен дұрыс пайдалану үшін қажет болады.

KASPERSKY LAB ЖЕКЕ ДЕРЕКТЕРДІ ҚОЛДАНЫСТАҒЫ ЗАҢҒА СӘЙКЕС ЗАҢДЫ ЖӘНЕ KASPERSKY LAB БИЗНЕСІНЕ ҚАТЫСТЫ АРНАЙЫ, АЛДЫН АЛА АНЫҚТАЛҒАН МАҚСАТТАРДА ҒАНА ӨҢДЕЙДІ.
• Пайдаланушылармен жасалған келісімшарттардың іске асырылуын және клиенттердің өнімдері мен қызметтерінің қажетті жұмысын қамтамасыз ету үшін.
• Пайдаланушыны белгілі ақпараттық қауіпсіздік қатерлерінен қорғау үшін.
• Лицензияның заңды екенін растау үшін.
• Антивирустық дерекқорларды жаңарту.
• Құрылғыларды, желілерді және ақпараттық жүйелерді қорғау тиімділігін арттыру, атап айтқанда жаңа ақпараттық және желілік қауіпсіздік қатерлері кезінде жылдамырақ шара қолдану, бағдарламалық құралдың қорғаныс компонентінің өнімділігін арттыру, жалған дабылдардың орын алу мүмкіндіктерін азайту үшін.
• Пайдаланушының біздің өнімдеріміз бен қызметтерімізбен жұмысын жақсарту, соның ішінде интерфейстерді өзгерту және Маркетингтік мақсатқа қатысты қажетті мазмұн мен жарнама беру үшін.
• Клиенттерге өнімдер мен қызметтерге қатысты техникалық қолдау көрсету және өнімдер мен қызметтердің сапасын жақсарту үшін.
• Аноним деректер негізінде статистикалық және басқа зерттеулер жүргізу.
Киберкеңістікті қорғау үшін қатерлерді талдау
Зиянды бағдарламалық құралдардың жаңа буындары үнемі пайда болып отырады және олардың көбі қолданыстағы қауіпсіздік шешімдерін айналып өту үшін жаңа, жетілдірілген әдістерді қолданады. Мұндай ұдайы өзгеріп отыратын ортада қорғау қатерлердің көрінісін мұқият талдап, деректерді пайдаланушыларымыз үшін деректерден шара қолдануға мүмкіндік беретін ақпаратты сүзген кезде ғана нәтижелі болмақ. Бұған қол жеткізу үшін, қауіпсіздік шешімдерінде қатерлер туралы деректермен жұмыс істеудің мейлінше кең ауқымын ең зерделі деректерді өңдеу технологияларымен ұштастыратын бұлттық амал қолданылуы керек.
Біздің инфрақұрылымымыз күрделі жаһандық киберқатерлер туралы деректерді қабылдап және өңдеп, оларды өнімдеріміздің қуатын арттыратын шара қолдануға мүмкіндік беретін қатерлер туралы ақпаратқа айналдыруға арналған. Қатерлерге қатысты деректердің негізгі көзі пайдаланушыларымыздан келеді. Деректерін бөлісіп, оларды жасанды ақыл-ой мен мамандардың сақтап, талдауына рұқсат беру арқылы олар дүние жүзіндегі пайдаланушылардың ең жаңа киберқатерлерден қорғалуын қамтамасыз етуімізге көмектеседі. Атап айтқанда, KSN пайда болып жатқан киберқатерлерге жылдам шара қолдануымызға көмектесе отырып, қорғаудың мейлінше жоғары тиімділігін қамтамасыз етеді және жалған оң нәтижелерді азайтуға көмектеседі.
Сіз инфрақұрылымымыздың алуына рұқсат ететін деректердің мөлшері пайдаланылатын өнімге, оның конфигурация параметрлері мен таңдауларына байланысты.
Бұл амал пайдаланушыларымыз бен жалпы киберкеңістікке бірқатар артықшылық ұсынады, соның ішінде:
• Жетілдірілген және бұрын белгісіз болған зиянды бағдарламалық құралдарды анықтау;
• Анықтау қателерін (жалған оң нәтижелер) азайту;
• Жаңа қатерлерге қарсы шара қолдану уақытын айтарлықтай азайту.
Деректерді өңдеудің құқықтық негіздері
Біз пайдаланатын құқықтық негіз жеке деректерді өңдеудің мақсатына байланысты және ол мыналар болуы мүмкін:
• Келісімшарт – ДҚЖЕ ережесінің 6-бабының (1) (b) тармағына сәйкес, келісімшартты орындауға қажетті кей деректерді өңдеуіміз керек болған жағдайларда, мысалы, пайдаланушы бағдарламалық құралды пайдалану үшін EULA шарттарын қабылдағанда;
• Келісім – ДҚЖЕ ережесінің 6-бабының (1) (a) тармағына сәйкес, пайдаланушы бізге KSN мәлімдемесіне, Маркетингтік мәлімдемеге, Антиспам мәлімдемесіне, Қосымша мәлімдемеге, Kaspersky Managed Protection қызметіне арналған деректерді өңдеуге қатысты мәлімдемеге, Веб-бақылауға арналған деректерді өңдеуге қатысты мәлімдемеге (Бұрын "Ата-ана бақылауына арналған деректерді өңдеуге қатысты мәлімдеме" деп аталған), Қоңыраулар сүзгісіне арналған деректерді өңдеуге қатысты мәлімдемеге немесе Техникалық қолдау мәлімдемесіне қатысты деректер жіберген жағдайларда;
• Құқықтық міндеттеме – ДҚЖЕ ережесінің 6-бабының (1) (c) тармағына сәйкес, біз деректерді заң талаптарын орындау үшін, мысалы, салық мақсаттарында өңдеуіміз керек болған жағдайларда;
• Заңды мүдде – ДҚЖЕ ережесінің 6-бабының (1) (f) тармағына сәйкес, мұндай мүдделерден пайдаланушының мүдделері немесе негізгі құқықтары мен еркіндіктері басым болмаса, киберқауіпсіздік компаниясы ретінде біздің заңды мүдделеріміз болған жағдайларда. Жеке деректердің инфрақұрылымымызда сақталып, жасанды ақыл-ойдың көмегімен және/немесе мамандарымыздың қорытындыларына сүйене отырып оларда жақында болған және ықтимал киберқатерлер бар-жоғы талданғаны сияқты жағдайларда. ДҚЖЕ ережесінің 49-мәлімдеме тармағында желі және ақпарат қауіпсіздігін қамтамасыз ету үшін қажетті және мөлшерлес дәрежеде жеке деректерді өңдеу компанияның заңды мүддесі екені мойындалады.
Кейбір жергілікті заңдар бойынша, "Сіздің құқықтарыңыз бен опцияларыңыз" бөлімінде сипатталғандай, жеке деректеріңізге қатысты құқықтарыңызды жүзеге асыруға құқығыңыз болуы мүмкін. Бұл құқығыңызды қолданғыңыз келсе, https://support.kaspersky.com/general/privacy арқылы бізге хабарласыңыз.
ДЕРЕКТЕРДІҢ ӨҢДЕЛУІН ШЕКТЕУ
ӨНІМ НЕМЕСЕ МҮМКІНДІК ЖҰМЫС ІСТЕУІ ҮШІН ҚАЖЕТТІ ДЕРЕКТЕРДІ БЕРМЕУДІ ТАҢДАСАҢЫЗ, СОЛ ӨНІМДІ НЕМЕСЕ МҮМКІНДІКТІ ПАЙДАЛАНА АЛМАУЫҢЫЗ МҮМКІН. МІНДЕТТІ ДЕРЕКТЕРДІҢ ТІЗІМІ ТҮПКІ ПАЙДАЛАНУШЫНЫҢ ЛИЦЕНЗИЯЛЫҚ КЕЛІСІМІНДЕ БЕРІЛГЕН. KASPERSKY SECURITY NETWORK МӘЛІМДЕМЕСІ НЕМЕСЕ МАРКЕТИНГТІК МӘЛІМДЕМЕ ПАЙДАЛАНУШЫЛАР ӨНІМ ПАРАМЕТРЛЕРІНДЕГІ ТИІСТІ ҰЯШЫҚҚА ҚҰСБЕЛГІ ҚОЮ АРҚЫЛЫ БІЗГЕ КЕЗ КЕЛГЕН УАҚЫТТА БЕРЕ АЛАТЫН ДЕРЕКТЕРДІҢ ТІЗІМІН ҚАМТИДЫ (СОНДАЙ-АҚ КЕЗ КЕЛГЕН УАҚЫТТА БҰЛ ШЕШІМІНЕН БАС ТАРТУҒА ҚҰҚЫЛЫ БОЛАДЫ).
Біз өңдемейтін деректер
Kaspersky Lab өз өнімдері мен қызметтері арқылы діні, саяси көзқарастары, сексуалдық қалауы немесе денсаулығы сияқты «құпия» жеке деректерді немесе жеке деректердің арнайы санаттарын өңдемейді. Біз бұндай деректерді алуға тырыспаймыз және олардың Сізден сұрамаймыз.
Kaspersky Lab өнімдерін ересек адам орнатуы және пайдалануы тиіс. Kaspersky Lab өнімі орнатылған құрылғыны балалар тек ата-аналарының немесе сондай жауапкершілігі бар тұлғалардың рұқсатымен пайдалануы тиіс. «Баланы қорғау мүмкіндігіне арналған деректерден» басқа балалардың жеке деректерін өңдеуге ниетті емеспіз және балалардың жеке ақпаратын алуға тырыспаймыз.
Ақпарат беру
Біз ешқашан мемлекеттік ұйымға немесе үшінші тараптарға деректерді ұсынбаймыз немесе оларға қол жеткізу мүмкіндігін бермейміз. Біз тек мынадай жағдайларда ақпаратты жариялауымыз мүмкін:
• Kaspersky Lab компаниялары тобының ішінде. Деректер ортақ пайдаланылуы мүмкін.
• Қызмет провайдерлері. Сондай-ақ біз ақпаратты бізге қызметтер көрсететін вендорлармен, соның ішінде веб-талдау, деректер өңдеу, жарнама, электрондық хаттарды тарату, төлемді өңдеу, тапсырысты орындау және басқа да қызметтер көрсететін компаниялармен бөлісуіміз мүмкін.
Кейбір өнімдеріміз, мысалы Kaspersky Secure Connection, құпиялық тәжірибелері Kaspersky Lab тәжірибесінен өзгеше болатын үшінші тараптардың қызметтерін пайдаланатынын ескеріңіз. Осы қызметтердің кез келгеніне жеке деректер берсеңіз, деректеріңіз солардың құпиялық мәлімдемесімен реттеледі. Тиісті құпиялық мәлімдемелерінде сипатталған деректерді өңдеу ережелерімен және процедураларымен танысу үшін өзіңіз жауаптысыз.
Ақпарат өңделетін жер
Пайдаланушылар Kaspersky Lab компаниясына берген жеке деректер мына елдерде, соның ішінде Еуропалық Одақтан (ЕО) немесе Еуропалық Экономикалық Аумақтан (ЕЭА) тыс елдерде өңделуі мүмкін:
ЕО немесе ЕЭА ішінде:
• Германия
• Нидерланд
• Франция
• Біріккен Корольдік
• Швеция
• Италия
• Испания
• Румыния
ЕО немесе ЕЭА аумағынан тыс:
• Швейцария
• Канада
• Сингапур
• Ресей
• Жапония
• АҚШ
• Мексика
• Қытай
• Әзірбайжан
• Бразилия
• Аргентина
• Израиль
• БАӘ
• Оңтүстік Корея
• Австралия
• Беларусь
Пайдаланушы берген деректерді өңдей алатын елдер тізімі өзгеруі мүмкін. Ағымдағы елдер тізімімен веб-сайттағы Құпиялық саясатының нұсқасында танысуға болады https://www.kaspersky.com/products-and-services-privacy-policy.
Жалпы іс жүргізу практикамызға сәйкес ЕО-дағы пайдаланушылардан алынған деректер ЕО мен Ресейде орналасқан серверлерде өңделеді.
Еуропалық комиссия тиісті деректерді қорғау деңгейі жоқ деп анықтаған кейбір жеке деректер ЕО немесе ЕЭА шегінен тыс жерлерде өңделуі мүмкін. Сондай-ақ, олар бізге немесе қызмет көрсетушілеріміздің біріне жұмыс істейтін ЕО немесе ЕЭА шегінен тыс тұратын қызметкерлеріміздің тарапынан өңделуі мүмкін. Еуропалық комиссия таныған тиісті шешімдер немесе қорғау шаралары болмаған кезде, жеке деректер ЕО немесе ЕЭА шегінен тыс жерлерге тасымалданған жағдайда пайдаланушы үшін қатерлер болуы мүмкін. 
Деректер өңделгенде біз әрдайым ең жоғары деректерді қорғау стандарттарын пайдаланамыз және пайдаланушы деректерін қорғау, қауіпсіздік пен құпиялыққа кепілдік беру және пайдаланушы құқықтарын қамтамасыз ету үшін түрлі заңды шаралар қолданамыз. Еуропалық комиссияның Kaspersky Lab деректерді өңдейтін елдердегі жеке деректерді қорғау тиімділігі бойынша шешімдері туралы қосымша ақпарат алу үшін, мына сайтқа өтіңіз: ec.europa.eu/info/law/law-topic/data-protection/international-dimension-data-protection/adequacy-decisions_en.
Сіздің құқықтарыңыз бен опцияларыңыз
Жеке деректеріңізге қатысты белгілі құқықтарыңыз бар. Сондай-ақ, бізге беретін жеке деректеріңіздің түрі, сол ақпараттың пайдаланылу жолы және сізбен байланысу жолымыз бойынша белгілі опциялар ұсынамыз.
Көп жағдайда Kaspersky Lab өнімдерін, қызметтері мен веб-сайттарын пайдаланғанда бізге жеке деректеріңізді бермеуіңізге де болады. Сондай-ақ, ақпаратты тікелей бізге беруден де бас тартуға құқылысыз. Дегенмен сұралған кезде жеке деректеріңізді бермесеңіз, Kaspersky Lab өнімдері мен қызметтерін толық ауқымда пайдалана алмауыңыз ықтимал және біз Сізге өнімдер, қызметтер мен науқандар туралы ақпарат ұсына алмауымыз мүмкін.
Бізден маркетингтік электрондық хаттар алу үшін бұрын жазылған болсаңыз, олардағы жазылудан бас тарту сілтемесін басу арқылы кез келген уақытта маркетингтік хабарландырулар алуды тоқтата аласыз.
Жұмыс берушіңіз Kaspersky Lab-қа жеке деректеріңізді берсе, Kaspersky Lab-тың ақпаратты пайдалануына немесе жариялауына қатысты белгілі опцияларыңыз болуы мүмкін. Опциялар туралы білу және оларды пайдалану үшін жұмыс берушіңізге хабарласыңыз.
Қолданыстағы заң ауқымында бізге бұрын берген кез келген келісіміңізден бас тартуыңызға немесе заңды негізде жеке деректеріңіздің өңделуіне қарсы шығуыңызға болады. Болашақта Сіздің қалауыңызды ескеретін боламыз. Белгілі жағдайларда Kaspersky Lab-қа жеке деректеріңізді пайдалануға не жариялауға берген келісіміңізден бас тарту нәтижесінде кейбір Kaspersky Lab өнімдері мен қызметтерінің артықшылықтарын пайдалана алмауыңыз мүмкін.
Қолданыстағы заңға сәйкес сіздің мынадай құқықтарыңыз болуы мүмкін:
• Біздің сіз туралы жеке деректерді сақтайтынымыздың растауын алу;
• Жеке деректеріңізге қол жеткізу мүмкіндігін сұрау және олар туралы ақпарат алу;
• Сіздің бізге берген жеке деректеріңіздің көшірмелерін, сондай-ақ машина оқи алатын пішімде алу және техникалық тұрғыдан мүмкін болған жағдайда оларды басқа деректерді басқарушыға жіберту;
• Жеке деректеріңіздегі дәлсіздіктерді жаңарту және түзету;
• Жеке деректеріңіздің өңделуіне қарсылық білдіру;
• Тиісті жағдайларда ақпаратты бұғаттату, аноним еткізу немесе жойғызу
• Қадағалаушы органға шағым түсіру.
Жеке деректерге қол жеткізу құқығы кей жағдайларда жергілікті заңның немесе технологиялық шаралардың талаптары бойынша, соның ішінде деректер аноним етілген жағдайларда шектелуі болуы мүмкін, сондықтан жеке басы анықталған немесе жеке басын анықтауға болатын жеке тұлғамен байланыстырылмайды. Бұл құқықтарды қолданғыңыз келсе, https://support.kaspersky.com/general/privacy мекенжайы бойынша кез келген уақытта бізге тікелей хабарласа аласыз.
Тегін өнімдерімізді пайдаланатын жағдайларда деректердің өңделуіне қарсылық білдіргіңіз келсе немесе келісіміңізді қайтарғыңыз келсе, өнімді пайдалануды тоқтату және/немесе жою керек. Жіберіліп қойылған деректерді жою құқығыңызды қолданғыңыз келсе, https://support.kaspersky.com/general/privacy арқылы жоюды сұрау үшін тікелей бізге хабарласыңыз.
Егер біз Сіздің жеке деректеріңізді өңдеу бойынша үміттеріңізді ақтамасақ немесе біздің құпиялық саясатымыз туралы шағым жасағыңыз келсе, оны бізге хабарлаңыз, біз мәселені шешуге тырысамыз. Төмендегі «Бізге хабарласу» бөлімінде берілген байланыс мәліметтерін пайдаланып бізге хабарласуыңызға болады. Сұрауыңызға жауап беруге көмектесу үшін, мәселені толық сипаттаңыз. Барлық шағымдарды ақылға қонымды уақытта қарастырып, шешуге тырысамыз.
Құпиялық қағидалары
Kaspersky Lab компаниясындағы жеке деректердің өңделуі мынадай қағидаларға негізделген:
Келісім және таңдау
• Пайдаланушылар келісім беруден бас тарта алмайтын жағдайларды немесе қолданыстағы заң жеке деректерді жеке тұлғаның келісімінсіз өңдеуге арнайы рұқсат беретін жағдайларды қоспағанда, пайдаланушыларға олардың жеке деректерінің жіберілуіне рұқсат беру немесе бермеу құқығын ұсыну. Пайдаланушы таңдауы еркін жасалуы, нақты және саналы болуы тиіс;
• Жеке қатысу және қол жеткізу қағидалары негізінде келісім алмай тұрып пайдаланушыларға ақпарат беру;
• Келісім алмай тұрып пайдаланушыларға ашықтық, жариялылық және хабарландыру қағидаларына сәйкес ақпарат ұсыну; және
• Пайдаланушыларға келісім беру немесе бермеу салдарды туралы түсіндіру.
Заңдылық мақсаты және сипаттамасы
• Мақсат(тар) қолданыстағы заңға сәйкес және рұқсат етілген заңды негізге арқа сүйейтінін қамтамасыз ету;
• Ақпарат жаңа мақсатта бірінші рет пайдаланылмай тұрып, мақсатты (тарды) пайдаланушыларға хабарлау;
• Осы спецификация үшін түсінікті әрі жағдайға бейімделген тілді пайдалану;
Деректерді өңдеу шектеуі
• Жеке деректерді қолданыстағы заң ауқымында болатын шамада және тек көрсетілген мақсатқа(тарға) қажет болған жағдайларда жинау.
• Жеке деректерді өңдеу мақсатының мерзімі өткеннен кейін, жеке деректерді сақтауға заңды талап жоқ немесе солай істеу тиімді болғанда жеке деректерді жою немесе аноним ету.
Пайдалану, сақтау және жариялауға шектеу
• Жеке деректердің пайдаланылуын, сақталуын және жариялануын арнайы, нақты және заңды мақсаттарға жету үшін қажеттілерімен шектеу;
• Қолданыстағы заң бойынша басқа мақсат анық қажет болмайынша, деректерді алмай тұрып жеке деректердің пайдаланылуын Kaspersky Lab компаниясы көрсеткендерімен шектеу;
• Жеке деректерді сақтау мәлімденген мақсаттарды орындауға (мысалы, өнімнің лицензия шарттарына байланысты әдетте 1 жыл және қажет болған жағдайда қандай да бір жаңарту мерзіміне тең Kaspersky Lab компаниясы мен сіздің араңыздағы тиісті лицензиялық келісімнің мерзімі бойы лицензия шарттары бойынша талап етілетін жеке деректерді сақтау) және одан кейін қауіпсіз жолмен жоюға немесе аноним етуге қажет мерзім бойы ғана сақтау;
• Жеке деректерді құқықтық міндеттемелерді орындауға, заң талаптарын орындауға, дауларды, соның ішінде азаматтық дауларды, сот процестерін немесе тергеулерді шешуге қажетті мерзім бойы ғана сақтау;
• Жеке деректерді заңды мүдделерді орындауға қажетті мерзім бойы ғана сақтау; және
• Мәлімденген мақсаттардың мерзімі өткен соң, бірақ қолданыстағы заңдардың талаптарын орындау үшін сақтау керек болған жағдайда кез келген жеке деректерді құлыптау (яғни, мұрағаттау, қауіпсіз ету және жеке деректерді кейінгі өңдеуден алып тастау).
Дәлдік және сапа
• Өңделетін жеке деректердің дәл, толық, жаңа (ескірген деректерді сақтауға заңды негіз болмайынша), жарамды және қолданылу мақсатына сәйкес болуын қамтамасыз ету;
• Өңдеу алдында пайдаланушыдан басқа көзден алынған жеке деректердің сенімділігін тексеру;
• Жарамды болғанда жеке деректерге өзгертулер енгізбей тұрып, тиісті тәсілдермен пайдаланушы талаптары негізді әрі дұрыс екенін тексеру (өзгертулерге тиісті рұқсаттардың берілуін қамтамасыз ету үшін);
• Дәлдік пен сапаны қамтамасыз етуге көмектесу үшін жеке деректерді өңдеу процедураларын орнату; және
• Жеке деректерді өңдеу дәлдігін және сапасын жүйелі түрде тексеріп отыру үшін бақылау механизмдерін орнату.
Ашықтық және хабарландыру
• Пайдаланушыларға Kaspersky Lab саясаттары туралы анық әрі оңай қолжетімді ақпарат беру;
• Жеке деректерді өңдеуге қатысты процедуралар мен практикалар орнату;
• Хабарландыруларға жеке деректердің өңделетіні туралы мәліметті, олардың өңделу мақсаты, жеке деректер жариялануы мүмкін құпиялыққа мүдделі тараптардың түрлері және жоғарыдағыларды анықтайтын тұлғаның идентификациясы және хабарласу жолы туралы ақпаратты қосу;
• Ақпаратының өңделуін шектеу және қол жеткізу, түзету және өшіру мақсатында пайдаланушыларға Kaspersky Lab компаниясы ұсынған опциялар мен әдістерді жариялау;
• Жеке деректерді өңдеу процедураларында елеулі өзгертулер орын алғанда, пайдаланушыларға хабарландыру жасау.
Жеке қатысу және қол жеткізу
• Алдымен тұлғасы тиісті тексеру деңгейімен расталғаннан кейін және сондай қол жеткізу мүмкіндігіне қолданыстағы заңмен тыйым салынбаған болса, пайдаланушыларға бізбен байланысу («Бізге хабарласу» бөлімінде берілген байланыс мәліметтерін пайдаланып) және жеке деректерін қарап шығу мүмкіндігін беру;
• Пайдаланушыларға жеке деректердің дәлдігі мен толықтығына шағым жасауға және оларды тиісінше және белгілі ауқымда мүмкін болғанша жөндеуге, түзетуге немесе жоюға рұқсат ету («Бізге хабарласу» бөлімінде берілген байланыс мәліметтерін немесе өнімдеріміз бен қызметтеріміздің интерфейсін пайдаланып);
• Белгілі болғанда жеке деректер жарияланған дерек өңдеушілеріне және үшінші тараптарға кез келген жөндеулерді, түзетулерді немесе жоюларды қамтамасыз ету; және
• Пайдаланушыларға осы құқықтарды қарапайым, жылдам және тиімді жолмен, орынсыз кешігу мен шығынды тудырмайтындай етіп іске асыруға мүмкіндік беретін процедуралар орнату.
Ақпараттық қауіпсіздік: Сіздің құпиялығыңызды қалай қорғаймыз
Ақпараттық қауіпсіздік Kaspersky Lab-тың негізгі қызметі болып табылады. Сіз берген барлық деректер мен ақпарат әдепкі күйде құпия болып табылады. Kaspersky Lab компаниясы жеке деректерді өңдеуден туындайтын нақты тәуекелдерді, сондай-ақ ең соңғы қауіпсіздік стандарттары мен процедураларын есепке ала отырып, тиісті әрі тиімді жеке деректерді қорғаудың техникалық және ұйымдастырушылық қорғаныс шараларын әрдайым қолданады. Басқа себептермен қоса тиісті қорғаныс деңгейін анықтау және қамтамасыз ету үшін Kaspersky Lab компаниясы өңдеу жүйелерін жеке деректермен жіктейді және қорғаныс шараларының каскадты жиынын қолданады.
Сондай-ақ, Kaspersky Lab компаниясы ақпаратты жоғалудан, дұрыс пайдаланбаудан, зақымданудан немесе өзгертілуден және рұқсатсыз қол жеткізуден не жариялаудан қорғау үшін физикалық, электрондық және процедуралық қорғаныс шараларын қолданады. Ақпараттық қауіпсіздік бағдарламамыздың кейбір орталық мүмкіндіктері мынадай:
• Ақпараттық қауіпсіздік бағдарламамызды жобалайтын, қолданатын және бақылайтын Ақпараттық қауіпсіздік департаменті;
• Kaspersky Lab өңдеу жүйесін жұмысы кезінде жеке деректерге төнетін қатерлерді анықтау;
• Тиісті ақпараттық қауіпсіздік құралдарын қолдану;
• Өңдеу жүйелерін іске қоспай тұрып қолданылған жеке деректерді қорғау шараларының тиімділігін бағалау;
• Түрлі қызметтерге немесе веб-сайттарға кіру мүмкіндіктерін анықтау, тексеру және рұқсат ету үшін бақылау элементтерін қолдану;
• Жеке деректерге рұқсатсыз қол жеткізу фактілерін анықтау және тиісті шаралар қолдану;
• Өзгертілген немесе жойылған жеке деректерді қалпына келтіру;
• Kaspersky Lab өңдеу жүйелерінде өңделетін жеке деректерге қол жеткізу ережелерін белгілеу және осы жүйелерде жеке деректерге қатысты іске асырылған барлық әрекеттерді тіркеу және есепке алу;
• Клиенттеріміз бен серверлеріміздің арасындағы шифрлау (және біздің түрлі дерек орталықтары арасында);
• Біз қызметкерлеріміздің және оны біз үшін өңдеу мақсатында ақпаратты білуі тиіс және ақпаратқа қатысты қатаң келісімшарттық құпиялық міндеттемелері жүктелген мердігерлердің деректерге қол жеткізу мүмкіндігін шектейміз. Осы міндеттемелерді орындамаған жағдайда олар тәртіпті жазаға тартылуы немесе олармен жасалған келісімшарт бұзылуы мүмкін;
• Әлсіздіктерді және ықтимал заңсыз кірулерді анықтау үшін жүйелерімізді бақылау;
• Жеке деректердің қауіпсіздігін қамтамасыз ету үшін қолданылған шараларды бақылау;
• Жаңа тәуекелдердің пайда болуына және технологияның дамуына байланысты Kaspersky Lab компаниясы қызметкерлерін тиісті оқытудан өткізу және қауіпсіздік практикаларымызды үнемі жетілдіріп отыру.
Бізге хабарласу
Егер осы Құпиялық саясаты және «Kaspersky Lab» компаниясының тәжірибелері туралы қандай да бір сұрақтарыңыз немесе пікірлеріңіз болса, не болмаса сіздің бізге берген ақпаратыңызды немесе артықшылықтарыңызды жаңартқанымызды немесе жойғанымызды қаласаңыз, https://www.kaspersky.com/global-privacy-policy веб-бетіне кіріңіз, не болмаса мына мекенжай немесе телефон нөмірі арқылы «Kaspersky Lab» компаниясының ЕО-дағы өкіліне хабарласуыңызға болады: ДҚЖЕ 13 (1) бабының (a) тармағына және 27 (1) бабына сәйкес Kaspersky Labs GmbH, Ingolstadt, Germany, info@kaspersky.de, +49 (0) 841 98 18 90 немесе ДҚЖЕ 13 (1) бабының (b) тармағына және 37 (1) бабына сәйкес ЕО-дағы деректерді қорғау жөніндегі қызметкерімізге басқа елдерден де dpo@kaspersky.com мекенжайы бойынша хабарласуыңызға болады.

© 2020 AO Kaspersky Lab. Барлық құқықтары сақталған. Бағдарламалық құрал және ілеспелі құжаттама авторлық құқықпен қорғалады және авторлық құқық заңдарымен, халықаралық авторлық құқық келісімдерімен және басқа зияткерлік меншік заңдарымен және келісімдерімен қорғалады.